古天樂連月來忙為電影版《尋秦記》宣傳，昨晚（4月7日）適逢電視版大結局，他參與謝票活動後，再率領一眾演員，包括宣萱、郭羨妮、滕麗名、林峯、朱鑑然、陳國邦、黃文標、區瑞偉等人，齊齊聚首九龍一個Shopping Mall，坐在大電視下收看劇劇集；其中一幕講到林峯飾演的趙盤大獲全勝宣告其天下要永存萬世、歲歲不休時，現場觀眾更齊齊大聲說「萬歲、萬歲、萬萬歲」，十分搞笑。
除了睇劇，古天樂與林峯輪流唱歌，他唱新歌《世紀大騙局》時，不但在場粉絲都大合唱，宣萱更自發在旁伴舞，場面熱鬧。另外，飾演善柔的滕麗名，與古天樂重演大結局一集，善柔伏在項少龍心口一幕，古生叫他講當日未講完的心聲，滕麗名即時入戲，伏在其心口上講：「其實我好想叫你留低我！」
活動尾聲，主演們分別分享感受，宣萱表示：「你哋覺得我哋帶咗好多快樂畀你哋，其實我哋呢幾個月，睇到你哋嘅反應、支持同分享，都帶咗好開心嘅感覺畀我哋，多謝你哋畀機會我人生經歷呢樣嘢！」而郭羡妮更感動到落淚，「25年前拍第一部劇，25年後好多嘢都改變咗，但大家都好似冇變過，真係好感動。」
↑ 足本訪問內容 請睇YouTube片 ↑
