農夫早前宣布再踏紅館舉行《全香港最好笑嘅演唱會》，原定於5月8日舉行一場，惟門票公開發售後火速售罄，主辦單位隨即宣布加開5月9日一場，但同樣在短時間內爆滿，今日再度宣布，在5月10日加開終極母親節日場。
C君直言：「16年前紅館開騷，只做咗一場，冇諗過16年後，可以開三場，進步咗3倍！我估三場暫時係我哋體力極限啦，紅館要多好多力。」為何舉行日場？C君指因當天是母親節，讓大家下午看完演唱會，晚上可以更開心心陪伴媽媽慶祝，他笑說：「咁如果有人睇完唔開心，都一樣晚上可以陪阿媽，做人最緊要孝順嘛。」
問到陸永是否一早找了麥玲玲師父預測今年行運，所以場場爆滿？陸永笑言：「冇呀，玲玲仲算緊佢有冇飛畀朋友，但係師傅好好，話會力撐我哋，每場都出現。」C君笑言指之前經常聽到歌手藝人，要在公開售票時一同搶購門票「應酬」親朋戚友，原來是真的，又指這些事發生在他們身上，感覺好奇妙 。
C君續笑說，自己媽咪、外母當然也來支持，又稱最好完騷後，主辦單位找一間又靚又好食的餐廳舉行慶功宴，他便可以因利乘便帶同媽咪、外母一同去，完騷兼祝母親節。
