梁朝偉日前到韓國宣傳電影《寂靜的朋友》後，今日現身「第五十屆香港國際電影節」首映活動，同場還有匈牙利導演 Ildikó Enyedi。片中偉仔飾演一名在德國大學任教的神經科學家，故事背景設定在 2020 年疫情期間。
講到如何為角色準備，偉仔說自己在戲中要教書，演的時候如果沒有底氣，大家便 會從你眼神看出你沒有信心。「我呢個角色嘅範疇係『嬰兒早期大腦發展』，所以劇組提供咗好多書比我。除此之外，我仲去咗唔同嘅大學訪問真正嘅科學家，甚至去觀察醫學研究點樣用老鼠做實驗。」有指他連醫學儀器都有研究，偉仔表示：「係呀，香港雖然無專門嘅 Baby Lab，但好彩有教授幫手，教我點樣去睇腦電圖（EEG），呢啲準備功夫真係做咗好耐，我仲特別請咗個英國人一齊生活，去模仿劍橋、牛津嗰種英國學者口音同氣質，希望令觀眾覺得我真係喺嗰度讀書出嚟嘅！」
一場戲拍足 50 次
偉仔續透露，有一場戲要挑戰超長對白，由於只有一部機拍攝，導演要捕捉不同角度，故足足拍了50 次，他笑說：「我記得中間有一兩次唔記得咗對白，嗰陣真係覺得好醜怪，咁多人望住。」不過，偉仔指雖然壓力大，但也因為準備充足，所以拍攝時反而能盡情享受過程。
與「樹」對戲更自在
被問到今次要與大自然、甚至與「樹」對戲是否有困難，偉仔反而非常享受，「我本身就好鍾意一個人，喺拍攝期間我反而覺得好自在，好似進入咗一個更深層嘅意識，平時我哋接收太多資訊，食飯都喺度諗嘢，但對住大自然，你可以真正感受到靜落嚟嘅力量。」
