王菀之（Ivana）以作曲人身份，由今日（22/5）起至24日，於文化中心聯同香港舞蹈團、法國藝術家Dominique Drillot與Sophie Laly跨界合作大型舞蹈詩《之間──吳冠中水墨行》，把水墨筆跡轉化為一場流動的視覺表演。Ivana在總綵排後受訪，表示今次演出算是其中一個很大的夢想成真。
今次Ivana身兼作曲、編曲及現場演出者，為整個演出創作了長達80分鐘的音樂，她透露：「我用咗 3 個月時間去寫每一個音，每兩分鐘嘅音樂，我大概需要用10 個鐘去完成。」她笑言曾一度擔心不能如期完成創作，幸最後都能夠順利達成。
演出中，Ivana形容自己飾演一個「神」一般的存在，雖然形體動作不多，但非常緊張：「你要企喺一班超級專業嘅舞者旁邊，就算舉手投足只係一下，都唔可以失禮。唔好話靚，最少唔好破壞佢哋咁靚嘅構圖。」Ivana慶幸自己也有練功10年，正好使用在今次的舞台上，她笑言：「我都要稱讚自己，同埋聽到嘅係自己嘅音樂作品，一齊做形體，我真係好驕傲。」
談到好友張敬軒早前演出後引發中耳炎，Ivana指自己近期太忙，未有時間關心對方，甚至忘記邀請他來看騷，但她笑言對好友有信心：「我覺得佢可以好強大咁令自己康復。」Ivana又特別感謝劉德華送來花籃鼓勵自己。
