杜德偉（Alex）憑《風林火山》奪得「最佳男配角」，事前已被視為大熱的他在台上表示：「多謝香港金像獎嘅評委團隊認同我呢個角色，我其實已經好耐冇喺香港有電影嘅演出，今次呢個獎亦都係我入行41年意義非凡一個。」
Alex不忘多謝《風》的導演麥浚龍，他感謝對方創作了一個精彩特別的角色給他，也多謝對方對自己的信任。Alex續說：「仲有要多謝另一位係《風林火山》入邊有份參與嘅演員，就係梁家輝先生。當我攞到呢個劇本第一時間去佢屋企，佢用一晚時間分享佢對角色嘅諗法同心得畀我，過程係非常精彩，我好想依家同大家分享，但係因為太長太精彩，如果有機會做一個專訪，我會再同大家詳細分享。」
最後，Alex不忘多謝他形容為「靈魂伴侶」的太太Ice，以及兒仔AJ，Alex指他們永遠是自己最強的後盾。
