方力申下月舉行兩場紅館個唱《方力申Perfect Moment 最佳時間》，今日他在炮台山Busking，而今次亦是他入行以來，第一次嘗試在街頭唱歌，期間分別獻唱三首作品《大方》、《好心好報》和《好好戀愛》，吸引過百人圍觀。
小方受訪時笑言：「好彩叫咗啲fans嚟支持吓，好驚企喺條街度busking冇人理我。」今日小方着了一份淺粉紅色恤衫出現，他坦言不是因為近日瘦了也穿不下，：「近日瘦咗12磅，不過我最瘦嗰陣輕過而家20磅，嗰時輕到好多人以為我有病，太乾，今次希望健康少少減。」
早前，小方在佛山登台與「山寨」鄧麗欣合唱，他說：「我覺得大家太錫我，近排咁多我嘅新聞出現，登台係喺live House，嗰一晚live House有一個環節就係歌手同我合唱，係冇彩排，上台就直接表演先至夾，就係咁多啫！」問他會否擔心有某些粉絲唔鍾意？小方則回應：「點解又唔鍾意呀！我淨係可以照顧一啲鍾意我嘅人，其他唔鍾意我嘅人，真係照顧唔到。」
↑ 足本訪問內容 請睇YouTube片 ↑
