姜濤四年擔任香港麥當勞叔叔之家擔任慈善大使，今年是香港麥當勞叔叔之家成立30週年，香港麥當勞促成兩代男神合作，除了重新錄製《沒有翅膀的天使》，更安排二人一齊拍攝MV。
《沒》歌由華仔填詞及主唱，作品於2007年推出，想不到相隔接近20年會出現復刻版，MV中姜濤更「神還原」華仔當年在MV中幾個經典畫面。姜濤表示：「我好多謝麥當勞今次比呢個機會我，令我有機會與劉德華先生同場拍攝，我仲好榮幸可以重演佢嘅角色，希望今年可以畀到驚喜大家，同我哋一直繼續分享愛心，為社會注入正能量。」
華仔在MV中段現身，與姜濤及一眾小朋友跑跑跳跳玩耍，作為星級監護人，華仔表示：「我好開心可以再次重唱《沒有翅膀的天使》呢首歌，因為好多人都對呢首歌好有深刻印象，而今次有機會與姜濤及一班來自麥當勞叔叔之家的小朋友重新拍攝呢個經典復刻版MV，都為呢首歌賦予一個更深層的意義。我仲特意改編呢首歌以加插Happy Birthday歌詞，祝賀香港麥當勞叔叔之家30週年，希望大家好似歌詞『高低也與你一起』 一樣，繼續支持病童同佢哋嘅家人。」
