ERROR 成員吳保錡Poki早前推出單曲《負評王》，而 MV 今日終於面世！《負評王》這首歌旨在傳遞「直面負面，方能活出真實」的訊息，鼓勵大眾在充斥負能量的現實中，不必刻意迎合虛假的樂觀，唯有擁抱自己的負面情緒，才是與自己和解的開始。 今次 Poki 不僅親自參與 MV 概念構思，更成功邀請到心中女神李彩華（Rain）回港出演女主角。
MV 以黑白強烈對比的電影感視覺，刻畫出現實社會中被踐踏與操控的無奈，Poki 將自己投射於角色中，反思生活、工作以及現實中遭遇的種種經歷。Poki 透露 MV 啟發自他喜愛的電影《Sin City》的抽離感，特別採用黑白畫面，僅讓某些特定顏色突出。
講到 MV 最具視覺衝擊的一幕，絕對是 Poki 被大量波鞋、皮鞋、高跟鞋甚至童鞋狠狠投擲。Poki 解釋背後的社會隱喻：「因為呢個社會上，其實無論咩階層、咩背景嘅人，都有機會去踐踏你。但你好多時唔能夠反抗，好多事都要『硬食』、好似被綁架咁硬食所有嘢。你亦唔可以出嚟解釋太多，因為解釋可能就等於掩飾。我好想喺MV入面表達到呢個咁真實嘅社會議題。」
談到邀請 Rain 擔任女主角的原因，Poki 直言全因對方的電影演員身份，能令MV質感昇華、電影感更厚重。原來 Poki 自小便是 Rain 的影迷：「以前看《百分百感覺》、《黑白道》，仲有《打雀英雄傳》都不斷重複睇，自從認識咗佢之後，就一直好想同佢合作，佢絕對係我哋香港一個具代表性嘅藝人，如果可以同一個香港代表性嘅藝人合作，對我講都係喺娛樂圈入面留低咗一個足印。」
Poki 又表示：「今次能夠搵到 Rain 做女主角，我真係萬分、萬分、萬分嘅感激！佢嘅參與令到 MV 真係好睇咗超級多，好有睇頭，亦都畀咗我呢啲後輩好大好大嘅動力，多謝阿 Rain！」在 MV 中，Rain 飾演一個幕後大玩家的角色，控制着一切，隱喻辦公室政治或社會上層的操控者。
Rain 被問到為何會一口答應邀請，她說二人經朋友介紹認識了一段時間，雖然不算認識了很久，但一直非常欣賞對方：「我覺得佢對於自己嘅工作好有 Heart，我覺得好正！而且導演之前同我哋溝通過，大概成件事嘅走向都係要靚、要有型，製作真係好好。同導演傾嘅時候，都已經主動問過我，譬如當中有食煙嘅鏡頭，會唔會好介意？我覺得拍出嚟效果有型嘅話，絕對可以配合！」Rain 又謂，她去到拍攝現場後大開眼界，原本以為只是拍個 MV，但現場完全是電影感製作，感受到整隊攝製隊的真誠、好有心的態度。
